(၁) လက်ထပ်ခွင့်ပြုပါရန် လျှောက်ထားသူနှစ်ဦးမှ လက်မှတ်ရေးထိုးထားသည့် ကိုယ်ရေးလျှောက်လွှာ ရေးသားတင်ပြရန် ဖြစ်ပါသည်။ ကိုယ်ရေးလျှောက်လွှာတွင် လက်ထပ်ရန်အတွက် နေ့ရက် (၃) ရက်ကို အဆိုပြုတင်ပြရမည်ဖြစ်ပါသည်။

(၂) ကိုယ်ရေးရာဇဝင်များနှင့် ရောင်စုံဓါတ်ပုံ(၁)ပုံစီ – – (Download MS-Word   MS-Excel   PDF )  (ဓါတ်ပုံမှာ- 35 x 45 mm အရွယ်အစား၊ ရောင်စုံဓါတ်ပုံ-နောက်ခံအဖြူ၊ နားရွက်ပေါ်၍ မျက်နှာတွင် ဆံပင်ဖုံးအုပ်ခြင်း မရှိစေရပါ။ (၂) လအတွင်း ရိုက်ကူးထားသော ဓါတ်ပုံဖြစ်ရပါမည်။)

(၃) လက်ထပ်မည့်သူနှစ်ဦး၏ မြန်မာနိုင်ငံကူးလက်မှတ် (မနလ) မိတ္တူ(၁)စုံစီ တင်ပြရန် ဖြစ်ပါသည်။ (မြန်မာနိုင်ငံကူးလက်မှတ်(မနလ) ၏ ဓါတ်ပုံနှင့် အချက်အလက်များ　ပါရှိသော ရှေ့စာမျက်နှာအပါအဝင် အသုံးပြုပြီးသော စာမျက်နှာအားလုံး)

(၄) လက်ထပ်မည့်သူနှစ်ဦး၏ မိဘတစ်ဦးဦး/ အုပ်ထိန်းသူမှ သားသမီးများမှာ အိမ်ထောင်မရှိသူ လူလွတ်ဖြစ်ကြောင်း သက်ဆိုင်ရာဒေသအသီးသီးရှိ မြို့နယ်တရားရုံးတွင် ကျမ်းကျိန်ထားသည့် ကျမ်းကျိန်လွှာ မူရင်းများ တင်ပြရန်ဖြစ်ပါသည်။

(၅) နှစ်ဖက်မိဘများမှ ထိမ်းမြားလက်ထပ်ခြင်းကို ကန့်ကွက်ရန်မရှိကြောင်း လက်မှတ် ရေးထိုးထားသည့်စာမူရင်း တင်ပြရန် ဖြစ်ပါသည်။

(၆) လက်ထပ်မည့်သူ နှစ်ဦး၏ နိုင်ငံသား စိစစ်ရေးကတ်ပြား မိတ္တူများ တင်ပြရန် ဖြစ်ပါသည်။

(၇) လက်ထပ်မည့်သူ နှစ်ဦး၏ Resident card မိတ္တူများ တင်ပြရန် ဖြစ်ပါသည်။

(၈) လက်ထပ်မည့်သူနှစ်ဦး၏ မြန်မာနိုင်ငံမှ အိမ်ထောင်စုစာရင်း မိတ္တူများ တင်ပြရန် ဖြစ်ပါသည်။

(၉) သံရုံးမှ လိုအပ်သည့် စိစစ်မှုများ ပြုလုပ်ပြီး လျှောက်ထားသူထံ ဆက်သွယ် အကြောင်းကြားသည့်အခါ ကျသင့် ငွေများအား
Sumitomo Mitsui Bank Corporation (SMBC)၊
Gotanda Branch၊
Current Account #4035008 ၊
Embassy of the Republic of the Union of Myanmar, Tel: 03-3441-9291 သို့ ပေးသွင်းရန် ဖြစ်ပါသည်။ ပေးသွင်းပြီးပါက ပေးသွင်းထားသည့် ဘဏ်ချလံ(မူရင်း) အား သံရုံးသို့ ပြန်လည် တင်ပြရန် ဖြစ်ပါသည်။

(၁၀) လိုအပ်ပါက သံရုံးမှ ထပ်မံ တောင်းခံမည့် အထောက်အထားများ တင်ပြရန် ဖြစ်ပါသည်။

မနလ – သာမန်မြန်မာနိုင်ငံကူးလက်မှတ်